• 之前聽朋友講 National Gallery of Victoria 好有趣，而且唔使錢，所以今日抽起條筋就去咗行。
• 哩個 gallery 真喺好多嘢睇，除咗亞洲館、歐洲館之外，仲有時裝、傢私....
• 只喺我去嘅時間比較晏，佢收五點，所以我只喺行咗個幾鐘。
• 不過，都只喺行咗四層裡面嘅一層半。
• 對我嚟講，除咗亞洲林林種種嘅彿像之外，最吸引我嘅就喺啲我睇得明少少嘅畫。

(閱讀全文)

• 一直想去 St. Kilda，終於，尋日決定今日出發，風雨不改！
• 由 city 搭 tram 過去，大約四個字左右。
• 想過去，喺因為我知嗰面有個海灘，同埋有條 jetty。
• 喺澳洲，除咗睇星、喺沙灘晒太陽之外，我最鍾意行 jetty。
• 但喺過到去先發現，哩條 pier 唔喺太吸引。
• 可能因為天色唔多好，影響咗我嘅觀感，除此之外，就喺附近太多商業大廈，剎風景！
• 哩條 pier 其實好短，三分鐘行晒。

(閱讀全文)

• 頭痛、頭暈、發冷、發熱。
• 唔想起身，成個人都好攰，就喺咁，我攬住個熱水樽瞓到而家。
• 發咗好多好多個夢，但喺無辦法記得晒。
• 發夢家母過身。
• 發夢姊妹不約而同話要結婚，仲叫我幫佢哋揀相。
• 發夢你回來找我。
• 發夢你又離開了。

• 腰很痛、人很睏，都喺繼續瞓好了....

• 近排抽起條筋好想搵班好玩嘅 friends 一齊入 farm。
• 搵咗好幾日，無乜頭緒，聽聞 Shepparton 好似唔錯，但喺又未想 move in 住。
• 結果，無厘頭識到個有車嘅 backpacker，咁啱早前又見到有個 herb's farm 請人。
• 我哋就膽粗粗話渣車入去睇吓。
• 個 farm 喺 Melbourne 嘅東南面，大槪 14x 公里。
• 一個女孩上個陌生人車，仲要去咁遠，到底驚唔驚危險？
• 其實初頭有少少。
• 但之問咗佢叫咩名之後，我忽然有種「佢都應該信得過」嘅感覺。
• 皆因佢叫「阿立」。
• 無英文名，淨喺叫「阿立」。
• 終於，我哋渣車去到個 town 仔，到最後先發現，原來個 farm 喺 through job agent post offer。
• 所以我哋只好無奈地填完張 form 就走。
• 不過，返出 city 之後，新朋友帶我去咗間好好味嘅越南鋪頭食嘢。
• 個人先無咁謝。

• 十二月嘅第一日，起身嘅時候如常覺得自己體內酒精含量超標。
• 坐咗陣之後，忽然好想收聖誕禮物。
• 事實上，我從來唔會好恨去收禮物，因為我成日覺得，為咗節日而送禮物，通常都唔會買到人哋好鍾意嘅嘢。
• 所以，我同好朋友嘅習慣都喺，見到就會買，那管那天不是什麼特別節慶。
• 但今年，就喺唔知點解，有種好恨收聖誕禮物嘅感覺。
• 全日無出街，喺電腦前面坐到黃昏，突然，有個衝動出去開信箱。
• 我直覺，我會收到聖誕禮物。
• 結果，堅有！！！

(閱讀全文)

• 不停移動，不停識到好多新朋友，不停重覆又重覆咁答住嗰幾個問題。
• 之前如果有人問我：點解你會做 backpacker？
• 我會答：因為我鍾意旅行、好想開開自己眼界....
• 啲人聽到哩個答案，就會追問：咁你之前去過咩地方？仲有咩 plan？有無打算玩到幾時？等等。
• 而家有人再問我，我通常都喺答：逃避。
• 然後，大家都會覺得好合理，無其他問題。

• 之前如果有人問我：咁你男朋友點解會放你嚟？
• 我會答：我無男朋友。
• 答完之後，我得到嘅 further question 喺：點會呀？喺咪你要求高呀？唔好玩啦，無可能嘅！之類。
• 但而家有人再問我，我會簡單咁答：分咗手。
• 之然，大家又會覺得好合理，唔會再問落去。

• 有時對住啲人嘅問題同反應，我不禁會諗，點解人都只相信看似「合理」的事情？

• 尋日食飯阿 May（我嘅中學同學仔，今次返嚟由 Mel 開始，其實好大部份嘅原因喺因為佢。）叫我今日同佢哋一班教友一齊去士多啤梨園。
• 老實講，作為一個 backpacker，要比錢去摘士多啤梨都幾白痴。
• 但喺我最終都應承咗去。
• 一行廿四人，開五架車，去到離 Mel 市大約一個鐘車程嘅 Bacchus Marsh。
• 我唔知 Bacchus Marsh 有咩出名，但喺似乎佢喺幾有名嘅遊客區。
• 嗰喥有好多好細嘅 farm 仔，apply, cherry, strawberry, peach....
• 有啲「音樂農莊」feel，因為好多人假日入嚟比錢摘生果。
• aus 9 / kg 士多啤梨，完全唔 ok！

(閱讀全文)

•  今日約咗朋友仔去賭場。
• 依然喺我一貫嘅 practice，去到攞張 member card，之後攞埋佢送嘅錢。（哩喥有五蚊！）
• 再去換個最低額嘅 chip，行一陣，走得。
• 不過，我哋 crew 人有人忍唔住，放低咗廿蚊喺賭場。
• Mel 賭場應該喺我到而家為止去過最大嘅一個，共兩層。（Alice Springs 同 ADL 嘅，之前一直都未有機會去。）
• 雖然佢唔喺爽到好似 Drawin 嗰個咁，可以喺賭場裡面食煙，但喺佢都 set 咗好幾個 smoking area。
• 算唔錯啦，hehe....

• 醫生屋主一向鍾意 jazz，不單只聽，仲自己玩埋。
• 上個禮拜佢已經興致勃勃咁叫我今晚同佢一齊去聽 Julia Messenger。
• 佢講到佢成個新進 jazz 天后咁款。
• 講真，其實我唔喺咁識欣賞 jazz，只喺我本人一向鍾意 Norah Jones，而 Julia Messenger 個 profile 又比人寫到好似 Norah Jones 接班人咁款，所以就應承咗屋主一齊去聽吓。
• aus18 入場，飲嘢另計，哩啲完全喺留學生生活。
• 雖然佢有講過我準時交租就請我，但喺非親非故，我始終唔喺好想。
• 所以我都同佢講，錢我自己比，但喺啲咁貴嘅玩意，對我哩個待業人仕嚟講，只會為佢破例一次。
• 查實間 club 都幾好 feel。
• 隊 band 亦相當唔錯。
• 而哩個  Julia Messenger 亦唱得唔差 (aus 18 嚟講)。
• 但喺要同 Norah Jones 相提並論，就仲未夠。
• anyway，都多謝屋主咁熱心拉我出吓街。

• 今晚返屋企先嚟落大雨，shit!!!! 千其唔好病!!!!!

• 近兩三日都瞓得唔好。
• 雖然 mel 喺有啲凍，但喺都唔至於太乾，不過唔知點解，一瞓落床就成身痕。
• 哩兩日要去到朝早五、六點先瞓得著。
• 抗敏感藥已經比我啪晒，都唔知今晚點算好。
• 可憐我今朝仲要八點起身去 interview，攪咗我成個朝早。
• 好眼瞓....

• 還是短訊惹的禍....
• 捨不得刪掉於是繼續看....
• 只換來我狠狠地摔電話....
• 壞得比之前更嚴重....
• shit!!!!!!!

• 返咗嚟好幾日，情緒還未好轉。
• 每夜都覺得自己瞓唔著，但又諗唔到自己喺喥諗緊乜。
• 每日都喺晏就先起身，但喺起身之後又覺得自己好唔醒。
• 已經無咗以前嗰種好鍾意自己喺屋企煮嘢食嘅感覺，但仍然會隨便煮啲嘢食。
• 每日上網搵工、send resume，但未有回音。
• 去過一啲我從來唔會去嘅 gathering，但喺熱鬧裡面，我顯得好唔自在。
• 自己一個行過一啲地方，但都仲喺落梗雨。
• so far 對 Mel. 都未有好多嘅感覺，但這裡還是有點冷。
• 咁落去，病，應該好難好。

• 多得朋友幫忙，我嚟到 mel 嘅第二日就已經 move in 咗去一間 share house。
• 雖然間屋遠離 city 少少，但喺勝在平，同埋靜。
• 其實我連屋都未睇就已經 move in。
• 今次返嚟澳洲嘅感覺真喺同上次好唔同。
• 我無去 plan 太多嘢，正確嚟講，我除咗知自己幾時上機之外，咩都無諗過。
• 不過我成日都話喺 oz 特別多人幫。
• 今次嘅屋主查實唔喺想放租，只喺睇在朋友份上比我住。
• 本來住細房，aus120 pw，但喺點知佢住緊，又懶 pack 嘢 move 去大房。
• 所以我用 aus120 pw 入住佢價值 aus180 pw 嘅大房。
• 仲有雙人床，曾經好恨有將雙人床可以好好地瞓一覺。
• 但喺而家....

• 尋晚終於狠狠地將我身體裡面僅餘嘅水份喊晒出嚟。
• 令我諗番起，早幾年成日飲醉酒喺街邊喊嘅景象。
• 喊到個人好攰、好攰....
• 起身之後，我發現，除咗腫咗嘅一雙眼之外，我咩都無得到過....
• 一個人，連街都唔想出，只喺靜靜咁留喺屋企。
• 一路睇住落唔完嘅雨....
• 忽然發現，原來我嘅病嚴重咗好多，同時，原來我瘦咗。
• 哩啲都喺我喺香港嘅時候無留意嘅變化。
  
• 醫生屋主提意我戒煙。
• 我喺喥諗：點解要我放棄我嘅好朋友？佢同酒都陪我過過好多難捱嘅日子，嘅然佢哋無離棄過我，我又點可以出賣佢哋？
• 然後我同佢講「每個人需要每一樣嘢都有原因，如果我覺得做咗喺舒服嘅，就由我啦。」
• 然後，佢無再同我講醫生嘅大道理。

l          最終還是回去了。

l          返香港之後，有一段好長嘅時候唔想再走。

l          其實，我早就話過我唔喺真喺咁 enjoy backpacker 嘅生活方式。

l          同埋我對澳洲已經無咗最初時候嗰種 fantasy。

l          但喺，日子一日一日咁過，我發現，我好攰。

l          開心嘅時候，好攰；唔開心嘅時候，更攰。

l          而唔單只我，我知道，喺我身邊對住我嘅人都覺得好攰。

l          我唔喺嗰種處事可以做到堅持到底嘅人。

l          所以，我決定逃跑。

l          某程度上，我同意「逃避都喺解決問題嘅一種方法」。

l          今次我依然選擇撘的士去機埸（無錢都要搭的士，因為「型」！）。

l          我望住嗰條我好熟悉的路，感覺，好唔捨得，但又好氣餒。

l          上一次走嘅時候，我不停問自己「真喺走啦嘛？」。

l          今次，我不停諗「真喺要放棄？」。

l          答案：我上咗機。

l          今次首站墨爾本，無他，只喺因為我唔可以自己一個行返之前嘅路。