l 今日 Carol 有個台灣朋友仔嚟咗 Alice，又撞啱對面屋台灣姐姐聽日離開，所以今晚 farewell、聚餐一齊搞。
l 同哩個男仔傾開計先發現佢真喺好犀利。
l 佢之前喺 Darwin 做咗一個月漁夫。
l 當佢第一日上船，感覺已經好想返轉頭，但喺上到船就唔喺話走就可以走。
l 於是乎佢每一日都對住鏡同自己講 “I’m a fishman now, I can do it, I should do it, I have to do it…”
l 到咗第二日，佢對船上面生活嘅感覺已經好咗啲。
l 每日生活喺搖擺不定嘅船上面，無論做嘢、行、坐、瞓，船都無可能靜低落嚟，令佢長時間頭暈，同埋體力消耗得好快。
l 佢話佢試過唔止一次喺食食吓飯走出去嘔，然後再返轉頭食埋淨低嘅嘢。
l 工作時間更喺我哋一般人無想像過咁 harsh。
l 由零晨三點開始，到第二日嘅零晨四點，瞓一日之後，又再由零晨三點開始。
l 一個月，每一日都喺咁過。
l 而令佢最深刻嘅喺，差唔多出海一個月之後，佢哋開始缺水缺糧（除咗海鮮），佢哋終於忍唔住去問船長「我哋已經無水同食物，到底幾時可以返去？」
l 船長答佢「無魚獲，唔返得去。」
l 根住落嚟，佢哋更加比心機做嘢，但要知道，有時候魚獲嘅嘢，真喺睇吓好唔好彩。
l 終於，一個月之後，佢重返陸地。
l 第二件我喺佢身上聽見而好驚訝嘅喺，佢由 Darwin 落嚟 Alice 喺──踩。單。車。
l 足足十一日，好多行李事前已經寄咗返台灣，剩餘嘅就放喺單車喥。
l 十一日裡面，大部份時候喺食罐頭食物；更大部份嘅時候喺喺路邊扎營；而絶大部份嘅時候，佢都喺自己一個人。
l 而佢喺 Alice 小息數天之後，下一站喺 Uluru，然後 Perth。
l 佢話佢預計全程會踩兩個月，天呀～！
l 同佢傾咗一陣，我諗我明白點解佢會咁做，但喺令我驚訝嘅唔喺佢嘅行為，而喺佢嘅意志力。
l 傾吓傾吓，我開始再諗，到底人應該選擇一條走得開心的路，定喺去選擇一條安全的路來走？
l 正常人嘅反應都會喺「當然喺揀條自己走得開心嘅路嚟行！」
l 但喺我更相信，絶大多數嘅人，都依然喺會揀條安全嘅路。
l 計算過錢、天氣、風險、地方、路線、要放棄的、要付出的、甚至乎要犠牲的，然後揀樣最安全的。
l 但最安全的選擇，不一定都能帶來愉快的結果。
l 想著，我又重新問自己「那條才是能令你走得開心的路？」
