l 對 Alice 一向都有啲又愛又恨嘅感覺。
l 一方面唔鍾意佢嘅天氣、地方、人、policy；但另一方面 Alice 喺個好好搵錢嘅地方，因為佢好少黑工，即使喺 ADL 比梗 aus8 / hr 嘅中餐，喺哩喥都喺比 aus18 / hr，仲會依足法例報稅。
l 而留得喺喥嘅人，都喺貪佢好「掘金」，所以一般人都會有兩三份工喺身，夠錢就走。
l 我當然都唔例外，所以閒時就會走出去搵吓工。
l 尋日去咗屋企附近嘅中餐館，老闆娘叫我今日去試工。
l 但喺今日一入到去，佢就比咗份糧我，我都有啲一頭霧水。
l 佢好婉轉咁話，就算真喺請我，一個禮拜都只喺比得兩三晚我返。
l 又叫我試吓其他 hotel 或者餐廳。
l 我就講得好可憐咁話自己間 resort 又無 dining 可以做，又搵唔到其他工，但喺 house keeping 又唔夠鐘…. Blah blah blah….
l 之後老闆娘就叫我一個禮拜去佢喥做幾個鐘 house keeping，比返 aus15 / hr 我。
l 咁我話好啦，之後再問佢「咁其實今晚你使唔使我喺餐廳幫手？」
l 佢先發現，原來佢認錯咗我喺早兩晚試工嘅另一個女仔，哈哈～就咁，我又得到多份 causal job！
l 做做吓嘢，老闆娘個細仔了我講咗陣計，問我邊喥嚟。
l 我答佢香港，點知佢話「但喺睇落唔似喎」。
l 咁我就話「哦～因為我 dad 喺越南華僑」。
l 點知…. 原來佢哋成班大廚連老闆娘都喺越南華僑。
l 哈哈～今次仲唔中到正！
l 由哩一刻開始，老闆娘對我嘅眼光就唔同咗，hehe….
l 做咗個幾鐘（星期一、二，一般都比較靜），老闆娘就叫我去教一個初到貴境又唔識英文嘅二廚英文。
l Wowoo~ 一教就個半鐘，老闆娘仲叫我 dayoff 嘅時候返餐廳教吓佢英文，一次
l 哩啲 easy money，我梗喺樂意賺啦，呵呵～
l 臨收工嘅時候，班廚仲叫我留底一齊食飯，有滷大腸同西洋菜湯喔～（其實我一向都唔飲西洋菜湯，但喺真喺太耐無湯水，所以我都好享受！）
l 今日，喺我喺 Alice 咁耐，最開心嘅一日，cool～
