Alice Springs Time : 16:30 / Sep 3, 2009

l          返嚟之後，一直都喺喺一間 resort 喥做 house keeping。

l          Resort 唔喺好大嗰種，由兩公婆自家經營，有三十間房，都喺 apartment 式嘅房。（即喺房裡面有晒廁所、廚房、客飯廳同睡房）

l          因為自家經營，所以 weekday 每日十一點都有 morning tea，wowoo…

l          而且老闆好好，人工計得好足，星期六返工有「工半」，星期日就 double pay。

l          我哋通常都喺兩個人一齊逐間房做，duty 分兩 part。

n          清廚房：除咗抺廚房之外，仲要抺晒成間apartment 裡面所有嘅嘢，包括廚櫃、枱、櫈、床頭櫃….

n          清廁所：就喺清廁所裡面所有嘢，包括佢哋最唔鍾意做嘅浴缸。

n          執床：基本上喺一齊做。

l          對於我哩種「流灘型」house keeping，我當然喺霸住個廁所嚟做。

l          原因好簡單

n          因為任你點努力擦，廁所可以比你擦嘅嘢都喺得幾樣。

n          而其實根本就唔使「努力」擦，因為廁所嘅清潔用品一般都有好強嘅去污力。

n          因為 resort 本身已經好舊，所以有好多萬年漬喺無可能洗得甩，所以就多啲都唔覺眼。

n          仲有，resort 應該都喺八九十年代起，所以室內用嘅 design 都唔似得近年嘅 hotel 或者 resort 咁，一味用白色。唔認真睇，其實都未必分到咩喺瓷磚花，咩喺漬。

n          最要喺──做廚房要吸埋塵，而個死人吸塵喺要揹住，揹住之後，就好似「捉鬼敢死隊」咁…. 而且一啲都唔輕，所以打死都唔揹。

l          而因為佢哋都唔鍾意抺浴缸，所以「廁所位」佢哋都好樂意讓比我做。

l          但喺有好，當然都有少少唔好

n          長期住客：其實我哋都比較鍾意啲住一兩日就走嘅客，咁嘅話起碼一兩日我哋就可以抺一次間房。但喺遇著啲住一兩個禮拜或者以月計嘅客，我哋只可能一個星期抺一次。每次都會好污漕，抺死人 =.=…. 而浴缸亦會去到唔擦唔得嘅地步。

n          清潔劑：因為廁所空間實在太細而清潔劑太濃，所以做做吓都覺得自己開始成日打噴嚏。