Alice Springs Time : 22:32 / Aug 29, 2009

l          初戀男友結婚在即，我話過，人唔到，禮都會到。

l          所以一出糧，我就走咗去買禮物。

l          話實，Alice 可以買嘅嘢唔多，可以當 wedding gift 嘅就更少。

l          但喺我又唔想行到上 e-bay 求其 bit 啲嘢交差，所以經我行咗兩日之後，我揀咗啲我諗佢都會鍾意嘅嘢。

n          木牌：雖然喺 made in china，但喺我一見到就覺得好啱佢，攞正「牌」做住家男人。Wakaka….

n          Aboriginal Art Table Mat set of 6：話晒都喺 designer，佢嘅藝術天份一啲都唔比我弱（呵呵～），所以我諗佢會鍾意。但喺要等佢快快生幾個，一家六口一齊用～

n          知佢恨生仔，所以無買 wedding card，返而買咗張好 cute 嘅 congratulation 咭過佢。

l          剛啱同佢傾咗個越洋電話，除咗一般「婚前恐懼症」同「wedding planning 燥狂症」之外，一切安好。

l          當講到每個舊情人都會講吓嘅話題「如果當初我哋起返埋一齊，下個月結婚嘅會唔會喺我哋？」

l          我哋都好有同感地認為──大家都咁爛玩，如果真喺結咗婚，一定日日鬧離婚。哈哈～

l          佢話有好多舊情人、老朋友，都唔捨得佢結婚，但喺我只喺有戥佢開心嘅感覺。

l          而佢呢？除咗想我快啲返香港之外，仲好擔心我喺澳洲嘅近況。

l          不過，trip must be go on！所以我哋都只可以明年再會。

l          同佢傾咗兩個幾鐘，感覺好好，個人都開心咗好多。

l          真喺慶幸我哋都有個無論何時何地，都咁關心對方、祝福對方嘅舊情人。